Quannu nesciu da fabbrica

Quannu nesciu da fabbrica,

mi spunta un sorrisu,

accussì, sulu,

e a facci pari chiù liscia,

u cielu chiù blu,

u suli chiù cauru.

Quannu nesciu da fabbrica,

pi n'attimu pari ca tutto si femma,

u tempu macari.

E' un mumentu nicu,

poi sacciu sulu ca finisci subitu st'arricriata,

mentri a machina patti, gira e furria ancora.

Quannu nesciu da fabbrica,

pensu ai cosi caia ffari,

ca parunu tanti e tutti belli,

ma quannu ordinu i pinzeri,

no sacciu cchiù quali sù,

scumparunu a tipu spiddi,

e a vogghia di ciccalli

si nni và  macari chidda.

Quannu nesciu da fabbrica,

pensu ca dumani ritornanu,

sti sorrisi,sti pinzeri,

e dumani e ancora dumani,

e sacciu ca durano

 quannu na tirata di sigaretta.

Vulissi esseri fumu

e durari un muccuni.

Puisia

Ora nesciu e chissà spuntassi quacche parola

pi strata, tra i cristiani,

campagni campagni,

macari attrovu a to facci, i to occhi,

e intra l'evva ciaurari u to profumu

arricugghirla e falla avvulari co ventu.

Ora nesciu e chissà spuntassi quacche parola

po lungomari,da panza di la vacca

sduacata o'portu cabballiria

comu na fimmina ansiusa,

e macari attrovu dda i to cosci

e o to culu

e macari a to vuci,

duci comu na patedda.

Arrivanu arrivanu i paroli!

che manu i ricogghiu

pi non piddilli

ca testa minni tonnu a casa

pi scriviri

nautra iurnata di poesia.