Ma chi ci aviti di taliari?

chiddu è immirutu... talia chiddu cu l'occhi stotti , e chi panza avi d'autru ..
talia talia pari na fimminedda talia talia...sarà cu ddu fattu!

ma chi ci aviti di taliari?

cettu vuautri siti nommali siti fatti ca carta cavvuni

tutti i stissi

e vi priati?

siti fotocopie di fotocopie e vi priati?

no sapiti ca chiddi mostrunu a loru biddizza naturali e sincera

mentre siti vuatri chiddi sbagghiati, tunni e malicumminati

intra siti tutti stotti e i vostri cirivedda su ammiscati ca simenza e sigatura

ma chi ci aviti di taliari?

cangiati e arrusbbighiatevi

taliatevi ste città...

l'occhi 'nda l'aria 'ndo cielo tinitili

sta canciannu macari chiddu

cu sti fumi di sti cattedrali che sireni

cu sti paraboli ca ci intronunu

e ci fannu addivintari pazzi e malati

e poi sti morti innoccenti, sti minchia di religioni

sti matri senza figghi...taliati!

E chi è ...non taliati chiu?

non c'è nenti d'arririri?

allura liggiti, liggiti e liggiti ancora

liggitavilla a storia

ca dda non c'è nessun antivirus ca blocca

è libera 

e vi insigna come sta sicilia appizzanu

sti dilinquenti e mafiusi

e continuanu ancora 

mentre vuatri taliati 

ancora l'immirutu.

  

'mbriaca

Quantu è tintu stu munnu,veru?

Ma lei che ci fa qui?

taliu e bevo.

E picchi?

picchì taliari e viviri è comu sugnari.
Poi quannu mi furria a testa
riesco a viriri macari l'angileddi,

ma staiu attenta,che s'ammucciunu se no,e nun si virunu cchiù!

Entra,esce.

Sì...tutto entra

e tutto esce

anche le parole...

segretamente.

Ma se non riesci

a fermare il pianto

le parole restano lì

nel sottoscala dell'anima

in bloccanti singhiozzi

in un naufragio di lacrime.

no...non tutto entra

non tutto esce.

Fantasmi

Fantasmi neri 

in fila indiana

attraversano

il sentiero.

Nulla può,

l'aratro.

Folla

Una folla di sguardi fissati

la mia mente.

Occhi,sorrisi e sberleffi,

occhi,sorrisi e sberleffi.

Ppì comu mi talìi

Iu no sacciu picchì
ma è ppì comu mi talìi
ca cangiunu i me pinzeri
addiventunu scuri
o addumanu luci russi
sì è comu mi talii
ca pensu ca cuntu
o nun cuntu proprio nenti
intantu
a lapa vannia pessica
a signura cala u panaru
i pisci su frischi
i machini currunu viloci
e a funtana sula chiangi
ma è ppi comu mi talìi
ca cangia tutta a realtà
de cosi, dei cristiani,
da politica,
dei mafiusi,
da televisioni.
a cafittera fischetta
u cessu si inchi
a finestra sbatti
e l'orologiu si femma.
nenti di stranu
ma è da comu mi talii
ca sta raggia può
speddiri o
farimi impazziri
addivintari focu
l'anima,
u cori,
e sti vuredda fradici.

Comu st'amuri finiu

Comu st'amuri finiu!!!

uora sentu friddu macari 'ndastati

vasuzzi e carizzi ca mi cuariavunu ..unni siti?

vi facisturu futtiri do ventu e da pioggia

e mi lassasturu sulu cca

cu la mia anima scunsulata

ca camina tra li basuli niuri di stu cuttigghiu

tunnu tunnu

ad aspittari ca u tempu

cummogghia sta ferita.

Passiuni e amuri

unni siti sduacati?

arristasturu femmi ni sta fotu do comodino.

U granni amuri ca era

nun ci capiu chiu 

nei nostri testi nichi.

Comu st'amuri finiu.

1

Unni è

Pinzeri ca fannu sgrusciu

non mi lassunu liberu

unni è

u ciauru da to peddi

u ciauru di gelsomini

u ciauru di panittoni ppa via

pinzeri ca fanno sgrusciu

non mi lassunu liberu

unni è a to manuzza

ca sinni eva unni era proibitu

unni è

l'arcangelo Gabriele

ca mi taliava in tutti ignuni

unni è me patri

ca ciaia ddiri na parola

e unni è Rosa 

quanti cantati senza nesciri mai!

pinzeri ca fannu sgrusciu

nun mi fannu rispirari

si pigghianu tuttu lu

beni do me cori.

Ma chi ci voli

Ma chi ci voli a rapiri sta porta!
 a vista si sta piddennu,
i purtusa nun si virunu cchiu,
 ma ancora sugnu arzillu comu na pala di ficurinia,
 e un purtusu non mi po' fimmari!
Cià finisti d'allisciari du computer? A vita è fora! Nesci!
 Ora maricogghiu pupi e barattelli
 e minni vaiu sutta l'archi da Marina
 ca tantu,sempri mura sù,
 di pettri niuri, ianchi e cimentu.
Pari facili a rapiri na porta,
 ma ci voli calma,
 manu femma,
 vista bona e macari coraggiu,
 picchi no sai cu c'è d'arreri ca t'aspetta.
Anzittai u' puttusu!
tri giri di chiavi,
 u femmu luvatu,
 e si rapiu, cca fozza
.Vu rissi ca sugnu arzillu!
ah..ciao! si tu!!
 facemu na cosa,
 iu cuntu i minuti, ore, iorna e anni,
 ma uora, tu,
 inchili d'amuri.